miércoles, 13 de junio de 2007

Para Lolita


Recibin unha carta dunha admiradora que, segundo meus pais é pintora ou algo así. O certo é que é do melloriño que coñezo e, se non estaba prendado abondo dela, con isto que me escribiu tenme xa coladiño polos seus ósos. E é que non é para menos. Para que me entendades aí vola deixo e vós xulgade se teño ou non teño razón:


"Pepeneno, estás moi guapo e moi forte, e xa habrás oido dicir que eres igualiño a teu pai. Bueno, ti eres mais guapo que el, pero non llo vaias a dicir.¿Como se sinte un, subido no colo do seu abó, enriba de un camión tan grandísimo? xa non importa que non teñas papeis Pepe, véseche un tio moi importante, debes ser a envexa de todos os nenos de 57 cms de altura, porque ademais de ter semellante camion(como e de teu abó e como si fora teu) a okupa que tes na casa che canta nanas e che da biquiños. Así calquera,...Claro que, tamen comprendo que non che molara nada iso das vacinas, e estou de acordo contigo en todo canto dís; pero ¿sabes? Non che vai a ser a última putada que che fagan, xa verás cando te obriguen a comer ou dormir anque non teñas ganas, ou, ainda mais pior ¡cando che sonen os mocos!...de momento, ti non sabes o que e iso, pero eu xa che aviso, que eso e algo malísimo que te enrabea moito. Claro, que o tema este, sempre acontece no inverno, e cando chegue ti xa saberás defenderte ben espurreando a todo o que se poña diante no intre de tomar o potito ou esperneando cando te metan a dormir o mismo tempo que as galiñas. Isto que che conto e unha cousa entre nos, e un segredo que temos que compartir, porque si os teus pais saben de esta conversa, van pensar que te estou malcriando e igual xa non che podo avisar de ningunha cousa mais, así que chitón. Bueno amigo Pepe, (eu tamen me vou a presentar)Son un pouco mais grande en todo que ti, excepto na cabeza que penso que por ahí andamos. Chámome Lola que ven de Dolores. Me pregunto porque eu teño papeis e ti non? "


Bendita sexas Lolita e xa tes aqui un amigo para sempre, sobre todo se segues a escribirme cousas tan fermosas
( Ah! é a meu pai caelle a baba polo que dis del )

Un biquiño, mellor un gran biKaso

martes, 12 de junio de 2007

Sobre o meu nome

É un tema co que non vos quero cansar, pero prometin que vos tería ao tanto e aí van as ....esperemos que as penúltimas antes de que se resolva o caso.
Xa vos contara que meus pais recorreron a decisión do xuiz de Cambados e, ao mesmo tempo presentaron unha denuncia diante da Fiscalía do Tribunal Superior de Xustiza de Galiza contra a fiscal que firmou o informe e ante a Dirección General de los Registros y del Notariado do Ministerio de Justicia contra o xuíz por si había lugar a abrirlles expediente.
Pois ben.
A Fiscalía do TSXG remite o escrito á Fiscalía de Pontevedra " ao corresponderle por razón de territorio ". E esta remite un escrito: " Adjunto remito a V.d. el .... notificarle la resolución.......................se acordó el ARCHIVO........" e pasa a facer unhas consideracións técnicas que mellor non citar siquiera.
Por outr banda tamén escriben dende Madrid no que indican que admiten o recurso polo do nome e que sera resolto or esa Dirección General, e que ao temposolicitarán informes e " se adoptará la decisión que se estime oportuna"
E, sobre o tema ningunha novidade máis.
E ademais xa vos empeza a resultar pesado................pero a min ................Divirteme mogollón.
Chao e ata outra.

A tía Noe


A TÍA NOE

Quen é esta? Que fai na miña casa?
Chámanlle a tía Noe pero aínda non entendo moi ben por qué. Seica veu un día de visita desde Cangas e xa non marchou.

Pois... estámosche bos! Acabo de chegar a este mundo e xa teño unha okupa no meu cuarto.

Ben é certo que de cando en vez cólleme no colo e dáme algún que outro biquiño e cando ninguén a ve cántame unha cancionciña. Algunha vantaxe tiña que ter¿non? Non parece mala rapaza aínda que case sempre anda nas verzas, en que andará a pensar?

Se o descubro xa volo contarei.

Ala... veña..vamos Todos po camión


Guuuaaaauuuu!!!!! Cacho bicho ten o meu avó Pepe. Mirádeo ben. Pero aínda así non se ve todo o que é nesta foto. Tiñades que estar dentro.
Jo, como mola ! É inmenso. Eu, como vedes estou aquí dentro e vese o mundo dende unha altura que non dades imaxinado. ( Debe ser moi importante o meu avó para ter unha cousa así de xigantesca. Seguro )

Aqui estou de novo





Ola amigos!! Tendes que me perdoar, pero diferentes circunstancias fixeron que vos tivera abandonado. De todos xeitos vouvos referir se non todas, bastantes das cousas que aconteceron neste tempo que faltei á miña cita.





Primeiro comunicar que aínda non se resolveu o do meu nome, pero xa se sabe que " las cosas de palacio van despacio" (isto para calquera mortal. Que non será para un sen papeis coma min? ).



Non sei se vos lembrades, que vos dixera que me ían por unhas cousiñas que se chamaban vacinas. Que cabritos, os meus pais e o médico!!. Primeiro danme unha para beber. E eu, xa sabedes, todo o que sexa comer... Pero logo......3 ( Si, tres ) pinchazos seguidos nas miñas perniñas, con aleivosía, que a premeditación xa viña dun mes antes. Como doían aquelas agullas!!. Xa sei qe son polo meu ben, pero xa vai sendo hora de que inventen algo coma aprimeira, para ser comida. Encima van e din:"Total, é moi pequeno para enterarse". Habían de llelo facer a eles! Dicían que era coma facer uns buracos nas orellas, seica para por un adorno cando sexas grande: "É que agora non senten . Son tan pequeniños.." E dino todos cheos de razón. Debiamos xuntarnos e facerlles o mesmo( " É que son tan grandes e tan fortes que seguro que non senten dor" E logo escoitalos a berrar)


Ben pero houbo unha boa nova.Segundo a expresión do pediatra sego " MALLADO". Aí tendes as miñas "marcas "


Peso: 5480

Talla: 58


Perimetro cranial: 40,5


E isto con 2 meses!


De momento nada máis.


Un bicaso










domingo, 22 de abril de 2007

Manda C.... (2)


E tanta que tivo. Aí vos poño algúns exemplos:
"Un juez cambadés rechaza un hipocorístico


"En O Grove no Registran a Pepe"
( La Voz de Galicia-Sociedad-xoves,19 de abril 2007)
"El juzgado impide que un niño de O Grove se llame Pepe a pesar de que ya lo permite la Ley"
Los padres presentarán recurso.Denuncian que tnto el jez como el fiscal desconocen la nueva legislación
(Faro de Vigo-Arousa e Sociedad-xoves,19 de abril 2007)


"Denuncian que el Registro Civil deniega inscribir a un niño con el nombre de Pepe"
(Diario de Arousa- xoves,19 de abril 2007)

O día 20 nas noticias das 9 da noite en Antena 3, novos titulares na prensa do sábado, meu pai falando na Radio Galega o domingo... en fin demasiado.
Meus pais presentaron xa o recurso contra da decisión do xuiz e ademáis tamén presentaron denuncia contra del e da fiscal ante o Colexio de Notarios e do Rexistro e ante o Fiscal-Xefe do Tribunal Superior de Xustiza de Galicia, por neglixencia na súa actuación.
Se todo va como debe...........Vailles acordar a allada!!.
No que toca ao meu nome.... Eu sigo sendo Pepe e seguirei sendoo. Agora só é cuestión de días que chegue a resolución final de Madrid. Xa vos informarei.
Así que xa vedes....Manda C....!!

E todo isto con mes e medio neste mundo!!!
Polo demais so dicirvos que paso o día a rir, comer e durmir. Debeu ser todo este asunto o que me puxo de tan bo humor.


sábado, 21 de abril de 2007

Manda C..... (1)


Foron moitas as cousas que pasaron nestes días e por iso vos tiven abandonados. Sei que tod@s queredes saber pero de verdade que non tiven case tempo para nada. Non creo que me chegue o espazo para volo contar todo, pero imos polo menos a comezar.
Nesta semana meus pais recibiron unha nova que non se esperaban. Eles xa sabían da nova Lei: A "LEY 3/2007, de 15 de marzo, reguladora de la rectificación registral de la mención relativa al sexo de las personas" publicada o venres 16 de marzo no BOE que di, entre outras cousas:

Por último, se reforma mediante esta Ley el artículo 54
de la Ley del Registro Civil de 8 de junio de 1957. Para
garantizar el derecho de las personas a la libre elección
del nombre propio, se deroga la prohibición de inscribir
como nombre propio los diminutivos o variantes familiares
y coloquiales que no hayan alcanzado sustantividad.


Eles coidaban, miñaxoia! que todos os trámites da miña inscrición no rexistro se ían solucionar dun momento para outro. Ademáis saiu a noticia de que a un meniño do concello de Ames lle fora recoñecida a súa inscrición co nome de Pepe. En fin, xa era só cuestión de días que nos chegase o libro de familia co meu rexistro oficial tal e como eu son: PEPE.
Ai!! Pero, cousas da vida. Mellor dito, cousas dos homes. Aínda mellor: dalgúns.... homes?. O pasado día 18 do mes no que andamos soa unha chamada e...." non se acepta o nome de Pepe para o voso fillo". Meus pais os probes pensaron que era unha broma, pero logo, ao comprobar que non, non entendían ren. ??? Pero ??, Pero??. Abraiados quedaron e no daban nin chío....
Axiña entenderon que algo ou alguén " cometera un erro". Pero non . Alí estaba o papel aquel que dicía que non se aceptaba que eu me chamase Pepe porque unha Lei ( que como se ve xa estaba derogada) non o permitía.
De novo ???. Non daban creto ao que estaban a ler.
E aínda máis. A denegación viña datada no 30 DE MARZO!! e a lei di:
Disposición final quinta. Entrada en vigor.
La presente Ley entrará en vigor el día siguiente al de
su publicación en el «Boletín Oficial del Estado».
Por tanto.
Mando a todos los españoles, particulares y autoridades,
que guarden y hagan guardar esta Ley.
Madrid, 15 de marzo de 2007.

El Presidente del Gobierno,
JOSÉ LUIS RODRÍGUEZ ZAPATERO
JUAN CARLOS R.


É posible que un xuiz encargado do rexistro e unha fiscal non coñeceran a lei?.
(Home neste mundo todo é posible pero.......da moito que matinar)
Ben, o caso é que meus pais dispuxeronse a recurrir o " Auto " que seica é como lles chaman a estas cousas, pero tamén a denunciar o que eles consideraron unha soberana inxustiza e un atropelo, así que.......si, o que xa sabedes: Chamaron á prensa.
O que non contaban eles era a repercusión que ía ter.
E sigo mañá que é hora de durmir e marchar para a cama.

martes, 10 de abril de 2007

Os de Cariño

Son meus tíos e curmáns. Entre eles está Mónica. É a única tía directa que teño. Non sei se é pixina ou segue a ser discalza, pero coiodo que debeu coller algo dos dous lados (e non precisamente a paciencia). Non fai mais que preguntar por min e incordiar ao meu pai a ver se me coida ben e como se porta comigo e coa miña nai. É moi "nerviosilla"( por dicilo dun xeito suave) e alporizase por todo. Ben deita do home que ten, o meu tio Toñi ( que non sei se a reencarnación do santo Xob ou o propio Xob) e dos meus primos, Mónica e Antón, que son os que a aturan sen problemas. Está empeñada en sair aquí e non me queda mais remedio que poñela. Sinto non ter ningunha foto deles pero todo se andará.

miércoles, 4 de abril de 2007

A bisavoa Carmen


Évos ben xeitosa.É Amara. Mellor dito, é a cabeza das Amaras. Porque elas son mulleres. Vede senón a miña nai. O meu padriño non, pero el é home. A min tampouco me vai tocar, pero se teño unha irmá ou unha curmá? elas si que o serán. Disque cuestión de xenética.
Á bisavoa gústalle terme no seu colo. Cad vez que me ve o primeiro que di é: "vén pra aquí rapaz". E a verdade é que se está moi a gusto. Ela si que sabe collerme. Pero pasa que eu empezo a pesar de mais.

Os bisavós de Mondariz

Como vedes son do mais simpático que hai. Eu quedei prendado deles( xa vedes como o miro). Pero é que ela ten unha memoria que xa quixera eu. Empezou a contar anécdotas do meu padriño, das trasnadas e andrómenas que facía de pequeno e....non vos quero contar( se quere el xa o fará algún día).

"Mallado"



1 MES. Si, cumprín un mes. Os maiores cando falan din que iso non é nada. Para min TODA UNHA VIDA. Si, non vos riades porque é así. Fun ao pediatra a facer a revisión do mes ( unha especie de ITV ) e sabedes que dixo? -"Mallado". Si, con esa verba que na miña terra non é de levar unha malleira. Entre nós quer dicir que algo está como ten que estar. Vede se non:
Idade:1 mes
Peso: 4770 g.
Talla: 55 cm.
E aquí me tendes disfrazado para a ocasión.
A que vou cumprindo ben?. E se non que llo pregunten a miña nai. A probe é a que ten que padecer a miña gana de comer. É o que mellor se me da. Pero tamén me porto moi ben. No médico todo foron sorrisos da miña banda. Tamen el os merece pois évos moi bo. trátame coma se fose unha xoia moi delicada. Falou cos meus pais dunhas cousas que se chaman vacinas. Non sei que serán, pero xa volo contarei. Seguro que vindo del son cousas boas. Seica me tocan para o mes que vén.

jueves, 29 de marzo de 2007

Os avós de Cedeira


Os avós de Cedeira. Que dicirvos deles? Pouca cousa. Só con velos nesta foto xa está todo dito. Sinto que se me foi el sen tomarmos os "macarolos" pero xa o celebraremos, pois sempre estará comigo. Coñecímonos no momento xusto e, aínda que non dera tempo a moito, ten, aínda que agridoce, o sabor de toda unha vida. Sei que a avoa chochea polo seu "Pepiño"( xa me fixo popular por aquelas terras do Santo Andrés de Teixido), e sei que el.... que foi e será eternamente feliz por poder coñecerme.
Avo Amador... puideches esperar para a festa, pero farémola de todos xeitos e ti estarás presente. Prométocho.

martes, 20 de marzo de 2007

O Día Despois


Jo meu! Menuda a de onte! Claro, era o meu día e, como non podía ser menos, púxenme coma un Pepe. Que un ten que facer sempre honra do seu. Ademáis fun ao médico a facerme a revisión e díxome que estaba feito un machotiño.
Fixádevos: xa peso 4,120 quilos e mido 53,5 cm. E iso con 16 días!!
Por si non fora pouco o do santo a celebrar a boa marcha deste homiño. E para rematar despois de tanta farra a durmir case sete horas dun tirón. Meus pais alucinan. Non era para menos despois de tantas emocións no mesmo día. Agora vou onda miña nai a ver se almorzo que xa vai sendo hora. Xa seguiremos noutro momento. Xa vedes como quedei de estarricado.

lunes, 19 de marzo de 2007

19 M


Olqa a todos. Hoxe madruguei un pouco para saudarvos,porque din os maiores que hoxe é a onomástica?? dos Pepes e Xosés e que hai que dar os parabéns aos que nos chamamos así. Pol tanto quero mandar unha felicitación para todos aqueles que se chamen coma mín, especialmente ao meu avó de Meis e ao meu padriño que xa andarán a tomar o café por eses mundos. Eu vou a ve que me ten preparado de especial a miña nai para o almorzo.
Seica nos días coma hoxe hai que invitar aos coleguis, así que tomade algoá miña conta.Cando poda xa volo pagarei.
Tamén teñolle que facer un apartado moi especial para o meu pai pois disque hoxe se celebra o día dos pais, aínda que eu felicitoo todos os días por esta obra de arte que fixo. Un bico especial para el e para todos aquele que xa son ou van ser pais.
Sobre do meu nome e das aventuras para poder inscribirme no rexistro de cidadáns deste país xa vos contarei cando teña todo arranxado, pois polo de agora son un " sin papeis ".
Teño que irme a almorzar que chama miña nai. Xa seguirei cando me funcione ben o wifi.
Parabéns a todos!!
Moitos bicos

martes, 13 de marzo de 2007

Domingo 11/03



Hoxe é domingo, día de descanso. Só porei algunha foto cos "quemi"( que mi fixeron).
Loxicamente o da esquerda, si ese de gafas é papá e a da dereita que está tan guai é mami.